"Ардус"ни мағлуб этиб, клублар ўртасидаги Осиё чемпионатининг ярим финалига чиққан Эроннинг "Санойи Гити Пасанд" клуби бош мураббийи Ризо Али Абадий ўйин қийин бўлганини таъкидлади.

"Эрон халқи биздан кўп нарсани кутаяпти. Чемпион жамоа сифатида биз катта боис остида эдик. Бугунги ўйин ҳам қийин кечди. Боиси ҳар иккала жамоа босим остида ҳаракат қилди. Ҳар иккала жамоа ғалаба зарур эди. Нагояга кела олмаган бир неча футболчиларимизнинг ўрни билинмоқда. Шунга қарамай, ёш футзалчиларимиз вазиятни тушуниб туришибди. Бундай мусобақаларда биргаликда юқори даражадаги ўйинни кўрсатишимиз керак. Биз ҳали ўз ўйин ритмимизга кириб олмадик. Умид қиламан, биз ярим финалда яхши ўйин кўрсатамиз. Ярим финалда қайси жамоага қарши ўйнашимиздан қатъий назар, биз ғалаба учун ва ўз унвонимизни сақлаб қолиш учун ҳаракат қиламиз", дейди у.