«Барселона» қанот ҳимоячиси Жоау Канселу мураббий Ханс-Дитер Фликда бирдан ижобий таассурот қолдира олмаганини тан олди.
Каталония гранди португалиялик футболчини қишда «Ал-Ҳилол»дан ижарага олган эди — келишув мавсум якунига қадар амал қилади.
«Ҳар бир мураббий учун натижа муҳим. Дастлабки ҳафталарда мен Флик кутган ўйинни кўрсата олмадим, шу сабабли имкониятга эга бўлмадим. Кейинчалик ўзимни кўрсатиш учун берилган имкониятдан фойдалана олдим. Ўйлайманки, эришган барча ютуқларимга тўлақонли лойиқман», — деди 31 ёшли латераль ўз интервьюсида.
Жоау Канселу жорий мавсумда «кўк-анорранглилар» сафида 19 та ўйинда иштирок этиб, ўз ҳисобига битта гол ва тўртта голли узатмани ёздириб қўйди.
