«Barselona» qanot himoyachisi Joau Kanselu murabbiy Xans-Diter Flikda birdan ijobiy taassurot qoldira olmaganini tan oldi.

Kataloniya grandi portugaliyalik futbolchini qishda «Al-Hilol»dan ijaraga olgan edi — kelishuv mavsum yakuniga qadar amal qiladi.

«Har bir murabbiy uchun natija muhim. Dastlabki haftalarda men Flik kutgan o‘yinni ko‘rsata olmadim, shu sababli imkoniyatga ega bo‘lmadim. Keyinchalik o‘zimni ko‘rsatish uchun berilgan imkoniyatdan foydalana oldim. O‘ylaymanki, erishgan barcha yutuqlarimga to‘laqonli loyiqman», — dedi 31 yoshli lateral o‘z intervyusida.

Joau Kanselu joriy mavsumda «ko‘k-anorranglilar» safida 19 ta o‘yinda ishtirok etib, o‘z hisobiga bitta gol va to‘rtta golli uzatmani yozdirib qo‘ydi.