Дортмунднинг «Боруссия» клуби чап қанот ҳимоячиси Даниэль Свенссон фаолиятини Англияда давом эттириши мумкин. Эккрем Конурнинг хабарига кўра, 24 ёшли швециялик футболчига «Манчестер Юнайтед» қизиқиш билдирмоқда.

Шунингдек, футболчи учун курашда «Арсенал», «Ливерпуль» ва «Аталанта» клублари ҳам иштирок этмоқда. Ушбу жамоалар скаутлари ҳимоячининг ўйинини бир неча бор кузатишган. «Арилар» Свенссонни 35 миллион еврога сотишга тайёр.

Маълумот учун, Даниэль Свенссон 2025 йилда «Норшелланн»дан 6 миллион евро эвазига «Боруссия»га ўтган эди. Унинг амалдаги шартномаси 2029 йилнинг июнигача мўлжалланган. Жорий мавсумда ҳимоячи барча турнирларда 44 та ўйин ўтказиб, 4 та гол урди ва 2 та голли узатмани амалга оширди