«Барселона» бош мураббийи Ханс-Дитер Флик ҳужумчи Роберт Левандовскининг мавсум охирида клубни тарк этиш қарорига муносабат билдирди.

— «Барселона» Левандовски кетганидан кейин нимани йўқотади?
— Бундай даражадаги футболчини топиш осон бўлмайди. Мен буни аввал ҳам айтганман. У ажойиб инсон ва юқори даражадаги профессионал. Уни соғинамиз, лекин буни енгиб ўтамиз ва жамоани қайта қуриб чиқамиз.

— Хайрлашув ҳақидаги суҳбат қандай ўтди?
— Суҳбат яхши ўтди. Менинг барча титулларим у билан бирга қўлга киритилган. У билан ишлаш мен учун шараф бўлди. У доим юқори даражада бўлган, ўзини жисмонан жуда яхши сақлаб келган. Буни ҳеч қачон унутмайман. Левандовски ёш футболчилар учун намуна. У қарорини кийиниш хонасида айтиб ўтди. Биз унинг кимлигини яхши биламиз, — деди Флик.

Левандовски 2022 йилдан буён «Барселона»да ўйнаб келмоқда. Флик эса 2024 йилдан бошлаб каталонияликларни бошқариб келмоқда.