Ўзбекистон кубогининг "G" гуруҳи 2-туридан ўрин олган "Сурхон" ҳамда "Пахтакор" жамоалари ўртасидаги баҳс олдидан ўзгариш юз берди. Аслида ушбу тўқнашув Сурхондарё вилояти, Термиз шаҳридаги "Сурхон Арена" стадионида бўлиб ўтиши белгиланган эди.

Бироқ, Термиздаги стадион майдони чими ва умумий функционал ҳолати қониқарсиз аҳволга келиб қолган. Айни дамда у ерда майдон майсасини парваришлаш ва тиклаш ишлари олиб борилмоқда. Шу сабабли, ҳар икки клуб — "Сурхон" ва "Пахтакор" профессионал футбол клублари раҳбарияти ўзаро келишувга эришди.

Ушбу келишувга кўра, мазкур учрашув Тошкент шаҳридаги "Пахтакор" марказий стадионида ўтказиладиган бўлди.