«Барселона» бош мураббийи Ханс-Дитер Флик мадридликлар бошқарувини қўлга оладиган Жозе Моуриньо билан бўлажак рақобат ҳақидаги саволга жавоб берди. Португалиялик мутахассис «қаймоқранглилар» рулида Альваро Арбелоани алмаштиради.
Ла Лиганинг сўнгги тури доирасидаги «Валенсия»га қарши ўйиндан (1:3) сўнг журналистлар Фликка Мадриддаги мураббий алмашинуви борасида савол беришди.
— Моуриньонинг келишига тайёрмисиз?
— Албатта. У ҳам бошқалар каби шунчаки бир мураббий, — дея қисқа жавоб қайтарди германиялик мутахассис матбуот анжуманида.
Эслатиб ўтамиз, «Барселона» ушбу мавсумда 94 очко жамғариб, Ла Лига чемпионига айланди. «Реал» эса 86 очко билан иккинчи ўринни эгаллади.
