«Реал» президенти Флорентино Перес «Барселона» шаънига навбатдаги танқидий фикрларини билдирди. Ўз чиқишида Перес яна бир бор каталонияликларнинг ҳакамлар техник қўмитаси собиқ вице-президентига тўлаган тўловлари билан боғлиқ «Негрейра иши»ни тилга олди.
«Негрейра иши — футбол тарихидаги энг катта доғ. Қандай қилиб клуб ҳакамлар техник қўмитаси вице-президентига миллионлаб евро тўлаши ва жазосиз қолиши мумкин? Негрейра билан бирга ишлаган ҳакамлар ҳали ҳам Ла Лигада фаолият юритмоқда. Адолат қарор топмагунча тўхтамайман», — дея Переснинг сўзларини келтирмоқда The Touchline.
Аввалроқ «Барселона» раҳбарияти ушбу тўловлар ҳакамликка таъсир ўтказиш учун эмас, балки ҳакамлар ҳақидаги таҳлилий ҳисоботлар учун тўланганини бир неча бор таъкидлаган эди.
