Испаниянинг «Барселона» ва Англиянинг «Манчестер Сити» клублари Норвегиянинг «Будё-Глимт» жамоасига тегишли бўлган 17 ёшли ҳужумчи Миккель Бронинг ҳаракатларини диққат билан кузатиб боришмоқда. Инсайдер Руди Галеттининг Х ижтимоий тармоғида хабар беришича, футболчига Италиянинг «Ювентус» ва Нидерландиянинг «Аякс» клублари ҳам даъвогарлик қилмоқда.
Манбанинг таъкидлашича, шу йилнинг январь ойида «Ньюкасл» даниялик футболчини сотиб олиш бўйича таклиф билан чиққан эди. Ўшанда «Будё-Глимт» ўйинчини сотишни рад этган. «Қарғалар»нинг Брога бўлган қизиқиши ҳамон сақланиб қолгани айтилмоқда.
Миккель Бро 2025 йилнинг февраль ойида Даниянинг «Орхус» клубидан «Будё-Глимт» сафига келиб қўшилган эди. У Даниянинг 17 ёшгача бўлган терма жамоаси сафида 15 та ўйинда майдонга тушиб, 12 та гол урди ва 2 та голли узатмани амалга оширди. Ҳужумчи ушбу терма жамоа сардори ҳисобланади.
