2026 йилги мундиалда илк бор 48 та жамоа бош соврин учун кураш олиб боради. Transfermarkt портали мусобақа қайдномасидан жой олган футболчиларнинг айни дамдаги трансфер қийматига асосланиб, энг қиммат терма жамоалар рейтингини тузиб чиқди.
Рейтингнинг биринчи поғонасини Франция терма жамоаси эгаллади. Французлар таркибининг умумий қиймати 1,48 миллиард еврони ташкил этди. Иккинчи ўриндан Англия (1,31 миллиард евро), учинчи поғонадан эса Испания (1,27 миллиард евро) жой олди.
Энг арзон таркибга эга жамоа сифатида Иордания терма жамоаси қайд этилди — 18,35 миллион евро. Энг арзон учликка, шунингдек, Қатар (20,48 миллион евро) ва Ироқ (23,9 миллион евро) терма жамоалари ҳам киритилди.
