Франция президенти Эммануэль Макрон терма жамоа бош мураббийи Дидье Дешамнинг ишига баҳо берди.
Аввалроқ мутахассис АҚШ, Канада ва Мексикада бўлиб ўтадиган 2026 йилги жаҳон чемпионати якунлангач, ўз лавозимини тарк этиши маълум бўлганди.
«Унинг нигоҳига дуч келишингиз билан ҳис қиладиган характер кучи мени ҳар доим ҳайратда қолдирган. У орзуларни ғалабаларга айлантиришни билади ва умидлардан кўра муваффақиятни афзал кўради. Дидье Дешам — ҳеч қачон таслим бўлмайдиган французлар руҳининг тимсолидир.
Мен бу йилги жаҳон чемпионатида терма жамоамизнинг муваффақиятига мутлақо ишонаман. Барча французлар каби мен ҳам Дидьени, унинг хотиржам кучини, қийинчиликлар олдида ўзини йўқотмаслигини, ўзига хос шахсий фазилатларини ва хайрия ишларига бағишлаган саховатли фидойилигини соғинаман», — дея Макроннинг сўзларини келтиради RMC Sport Ouest-Franceга таяниб.
