Бразилия терма жамоаси бош мураббийи Карло Анчелотти ҳозирда жамоада юлдузлар эмас, балки жамоавий масъулият муҳим рол ўйнашини таъкидлади.
«Тажрибали футболчи кўпроқ масъулиятни ўз зиммасига олиши, ёш футболчи эса камроқ босим ҳис қилиши керак. Барчамизнинг зиммамизда катта масъулият ва босим бор. Хўш, биз нима қилишимиз керак? Уларни бўлишиб олишимиз лозим. Бу фақат индивидуал бўлиши мумкин эмас. Босим оз бўлса-да камайиши учун уни тақсимлашимиз шарт. Баъзан Бразилияда юлдуз футболчи йўқлиги ҳақида кўп гапирамиз. Эҳтимол, бу ҳақиқатдир, бизда Пеле, Ромарио ва Роналдо йўқ, лекин биз масъулиятни бўлиша оламиз», — дея Анчелоттининг сўзларини келтиради Goal.
Бразилия терма жамоаси Жаҳон чемпионатининг «C» гуруҳида Марокаш, Гаити ва Шотландия миллий жамоаларига қарши баҳс олиб боради.
