Мадриднинг «Реал» клуби юлдузли марказий ҳужумчиси Килиан Мбаппе «қироллик клуби» таркибида ўтказган энг яхши учрашувини айтди.
«Реал»даги энг яхши ўйиним — «Манчестер Сити»га қарши баҳсда хет-трик қайд этган учрашувимдир. Ўшанда 100 фоизлик имконият билан ўйнагандим. Чемпионлар лигасининг плей-офф босқичидаги ўйин. «Сантьяго Бернабеу»да киритган учта голим», — дея ҳужумчининг сўзларини келтиради AS нашри.
Мбаппе 2024/2025 йилги мавсумда Чемпионлар лигасининг 1/8 финали доирасида бўлиб ўтган «Реал» ва «Манчестер Сити» ўртасидаги учрашувни ёдга олди. Ўша баҳсда «қироллик клуби» 3:1 ҳисобида ғалаба қозонган эди. 27 ёшли франциялик футболчи 2024 йилдан буён «қаймоқранглилар» шарафини ҳимоя қилиб келмоқда. Унинг бозордаги трансфер баҳоси 180 миллион еврони ташкил этади.
