Madridning «Real» klubi yulduzli markaziy hujumchisi Kilian Mbappe «qirollik klubi» tarkibida o‘tkazgan eng yaxshi uchrashuvini aytdi.

«Real»dagi eng yaxshi o‘yinim — «Manchester Siti»ga qarshi bahsda xet-trik qayd etgan uchrashuvimdir. O‘shanda 100 foizlik imkoniyat bilan o‘ynagandim. Chempionlar ligasining pley-off bosqichidagi o‘yin. «Santyago Bernabeu»da kiritgan uchta golim», — deya hujumchining so‘zlarini keltiradi AS nashri.

Mbappe 2024/2025 yilgi mavsumda Chempionlar ligasining 1/8 finali doirasida bo‘lib o‘tgan «Real» va «Manchester Siti» o‘rtasidagi uchrashuvni yodga oldi. O‘sha bahsda «qirollik klubi» 3:1 hisobida g‘alaba qozongan edi. 27 yoshli fransiyalik futbolchi 2024 yildan buyon «qaymoqranglilar» sharafini himoya qilib kelmoqda. Uning bozordagi transfer bahosi 180 million yevroni tashkil etadi.