«Барселона»нинг испаниялик хавбеки Дани Ольмо каталонияликлар сафидаги жамоадошлари ҳақида фикр билдирди.
«Кўпчилигимиз клуб академиясидан етишиб чиққанмиз. Ҳозир бизда жуда яхши жамоа шаклланган. Мен Ямал, Педри, Ферран, Гави каби футболчилар билан бирга ўйнаяпман... Биз дўст бўлиб қолдик. Бу жамоа буюк ютуқларга эришишга қодир», — дея ярим ҳимоячининг сўзларини келтирмоқда Mundo Deportivo.
Ўтган мавсумда «кўк-анорранглилар» Испания Ла Лигаси чемпионлигини қўлга киритишди. 28 ёшли ярим ҳимоячининг каталонияликлар билан тузган меҳнат шартномаси 2030 йилнинг июнь ойи якунига қадар мўлжалланган. Ольмонинг бозор қиймати 60 миллион еврога баҳоланмоқда.
