«Barselona»ning ispaniyalik xavbeki Dani Olmo kataloniyaliklar safidagi jamoadoshlari haqida fikr bildirdi.
«Ko‘pchiligimiz klub akademiyasidan yetishib chiqqanmiz. Hozir bizda juda yaxshi jamoa shakllangan. Men Yamal, Pedri, Ferran, Gavi kabi futbolchilar bilan birga o‘ynayapman... Biz do‘st bo‘lib qoldik. Bu jamoa buyuk yutuqlarga erishishga qodir», — deya yarim himoyachining so‘zlarini keltirmoqda Mundo Deportivo.
O‘tgan mavsumda «ko‘k-anorranglilar» Ispaniya La Ligasi chempionligini qo‘lga kiritishdi. 28 yoshli yarim himoyachining kataloniyaliklar bilan tuzgan mehnat shartnomasi 2030 yilning iyun oyi yakuniga qadar mo‘ljallangan. Olmoning bozor qiymati 60 million yevroga baholanmoqda.
