"Real" bosh murabbiyi Joze Mourinyo Dani Sebalyosning klubdan ketishi qanday hal bo‘lganini aytib berdi. Portugaliyalik mutaxassis bu haqda "Betis"ga qarshi ertangi La Liga o‘yini oldidan Valdebebasda o‘tkazilgan matbuot anjumanida gapirdi.
"Biz telefonda uch daqiqa gaplashdik. Men unga rejalarimda yo‘qligini aytdim", — dedi Mourinyo.
Uning so‘zlariga ko‘ra, Sebalyos shartnomasiga tayanib, klubda qolishga urinib ko‘rmagan.
"Futbolchilar ko‘p hollarda amaldagi shartnomasiga tayanib qolishni xohlaydi. Ammo bu vaziyatda u holatni to‘g‘ri tushundi va erkin agentga aylanib, kelajagini o‘zi belgilashni ma’qul ko‘rishini aytdi", — deya ta’kidladi murabbiy.
Shundan so‘ng "Real" va futbolchi o‘rtasida shartnomani bekor qilish bo‘yicha kelishuvga erishilgan.
"Biz kelishuvga keldik, shartnomani bekor qildik va Sebalyos o‘z kelajagi bo‘yicha erkin qaror qabul qilish huquqiga ega bo‘ldi", — dedi Mourinyo.
Sebalyos keyinchalik o‘zi tarbiya topgan "Betis"ga qaytdi.
