Франция терма жамоаси ва «Манчестер Юнайтед» клубининг собиқ ҳимоячиси Патрис Эвра «Барселона» ҳамда Испания терма жамоаси вингери Ламин Ямалга қарши қандай ўйнаган бўлиши ҳақида фикр билдирди.
«Мен ўз фаолиятимнинг энг гуллаган даврида унга қарши ўйнаганимда, уни тириклайин еб қўярдим. Кечир, Ламин. Мен сени яхши кўраман...
Лекин бу ҳақда Криштиану Роналдудан, Лионель Мессидан ёки менга қарши майдонга тушган бошқа футболчилардан сўранг — мен майдонда яхши дўст эмасман», — деди Эвра.
Маълумот учун, Патрис Эвра фаолияти давомида «Манчестер Юнайтед» билан беш карра Англия чемпиони ва ЕЧЛ ғолиби бўлган.
