Нью-Йорк мэри Зохран Мамдани журналист билан ўйин ўйнади, унда мэр гуруҳ босқичидан бошлаб Жаҳон чемпионати натижаларини башорат қилиши керак эди.
Мамданининг прогнозига кўра, турнирнинг 1/16 финалида Бразилия Японияга, Португалия эса Англияга имкониятни бой бериб, мусобақани тарк этади. Шунингдек, Мамдани Колумбия 1/4 финалда Аргентинани чиқариб юборишини, Англия эса АҚШ ва Испаниядан устун келиб, ярим финалда Францияга мағлуб бўлишини башорат қилди.
Мамданининг сўзларига кўра, Франция турнир финалида Марокашга ютқазиб қўяди, Колумбия эса Англия терма жамоасини мағлуб этиб, 3-ўринни эгаллайди.
АҚШ, Мексика ва Канада мезбонлик қиладиган Жаҳон чемпионати 11 июнь куни старт олади.













