Аргентина терма жамоаси матбуот хизмати ҳимоячи Маркос Сенесининг ЖЧ-2026 учун жамоа қайдномасига киритилганини эълон қилди.
29 ёшли футболчи таркибда «Марсель» ҳимоячиси Леонардо Балердининг ўрнини эгаллади. Балерди жароҳати сабабли сафдан чиққани ҳақида 6 июнь куни хабар берилган эди.
10 июнь куни «Тоттенхэм» Сенесининг «Борнмут»дан трансфер қилинганини эълон қилди. У лондонликлар билан амалдаги шартномаси якунига етадиган 1 июль санасидан бошлаб расман жамоа аъзосига айланади.
Аргентина терма жамоаси ЖЧ-2026нинг «J» гуруҳида Жазоир, Иордания ва Австрияга қарши майдонга тушади.
