Ўз уйида ўтаётган Жаҳон чемпионатининг илк учрашувида АҚШ терма жамоаси Парагвайга қарши майдонга тушади. Ушбу баҳс олдидан Америка жамоаси бош мураббийи Маурисио Почеттинога АҚШ президенти Дональд Трамп қўнғироқ қилди.
«Сиз ажойиб инсонсиз, ҳақиқатан ҳам ажойиб инсонсиз. Биз сизнинг бой тажрибангиз ва муваффақиятларингиздан хабардормиз. Менимча, сизда мусобақанинг энг якунига (финалгача) етиб бориш учун жуда яхши имкониятлар бор. Сизга омад тиламоқчиман», — дея Трампнинг Почеттино билан телефон суҳбатидаги сўзларини келтиради The Touchline нашри.
АҚШ — Парагвай учрашуви 13 июнь куни бўлиб ўтади.
