Мирослав Клозе жаҳон чемпионатлари тарихидаги энг яхши тўпурар бўлиб қолмоқда — германиялик ҳужумчи ҳисобида 16 та гол бор. Ушбу рекордга энг яқин турган футболчилар Лионель Месси (13 та гол) ва Килиан Мбаппедир (12 та гол).
Клозе 2026 йилги мундиалда унинг рекорди янгиланишини кутмоқда.
«Мен ушбу турнирда рекордим янгиланишини кутяпман. Жамоалар сони ортиши билан ўйинлар сони ҳам кўпаяди, бу эса гол уриш учун кўпроқ имконият демакдир. Ҳаммаси жойида, барибир кун келиб рекорд янгиланади. Буни Лионель Месси амалга ошириши мумкин. Мен Мессининг катта мухлисиман ва доим шундай бўлиб қолганман», — деди Клозе Süddeutsche Zeitung нашрига берган интервьюсида.
Аргентина терма жамоаси Жаҳон чемпионатидаги илк ўйинини 17 июнь куни Жазоирга қарши ўтказади.
