Испания миллий терма жамоаси бош мураббийи Луис де ла Фуэнте «Барселона»нинг ҳужумкор ярим ҳимоячиси Фермин Лопеснинг 2026 йилги Жаҳон чемпионати қайдномасидан ўрин олмаганига тўхталиб ўтди. 23 ёшли хавбек айни пайтда оёқ кафт суяги синишидан кейин тикланиш жараёнини ўтамоқда.
«Бу футболчи фантастик, фавқулодда спорт формасида эди, ўзига бўлган ишончи жуда юқори эди... Бу унинг Жаҳон чемпионати бўлиши мумкин эди, аммо у сафдан чиқди. Айнан шундай йўқотишлар одамга алам қилади», — дея мутахассиснинг сўзларини келтиради AS нашри.
АҚШ, Мексика ва Канада мезбонлик қилаётган мундиалда испанияликлар юришини Кабо-Вердега қарши ўйин билан бошлашади. Ушбу учрашув 15 июнь куни бўлиб ўтади. Шундан сўнг Испания терма жамоаси Саудия Арабистони ва Уругвайга қарши майдонга тушади.
