ЖЧ-2026 даги илк ўйинида Марокаш терма жамоаси Бразилия миллий жамоаси билан 1:1 ҳисобида дуранг ўйнади. Африкаликлар устози Моҳаммад Уаби ушбу натижа ҳақида ўз фикрларини билдирди.
«Жамоа яхши ўйин кўрсатди. Биз ғалаба қозонишни мақсад қилгандик, бироқ бу — футбол. Ушбу учрашувда бизга нима етишмагани устида ишлаймиз. Шотландияга қарши баҳсга тўлиқ шай ҳолатда етиб борамиз. Футболчилар бироз хафа, чунки улар ғалаба қозонишни исташганди», — дея мутахассиснинг сўзларини келтиради Globo нашри.
Гуруҳ босқичининг 2-турида Марокаш терма жамоаси Шотландия билан тўқнаш келади. Шотландлар мундиалдаги дебют ўйинларида Гаити устидан 1:0 ҳисобида минимал ғалабани қўлга киритишган эди.
