JCH-2026 dagi ilk o‘yinida Marokash terma jamoasi Braziliya milliy jamoasi bilan 1:1 hisobida durang o‘ynadi. Afrikaliklar ustozi Mohammad Uabi ushbu natija haqida o‘z fikrlarini bildirdi.
«Jamoa yaxshi o‘yin ko‘rsatdi. Biz g‘alaba qozonishni maqsad qilgandik, biroq bu — futbol. Ushbu uchrashuvda bizga nima yetishmagani ustida ishlaymiz. Shotlandiyaga qarshi bahsga to‘liq shay holatda yetib boramiz. Futbolchilar biroz xafa, chunki ular g‘alaba qozonishni istashgandi», — deya mutaxassisning so‘zlarini keltiradi Globo nashri.
Guruh bosqichining 2-turida Marokash terma jamoasi Shotlandiya bilan to‘qnash keladi. Shotlandlar mundialdagi debyut o‘yinlarida Gaiti ustidan 1:0 hisobida minimal g‘alabani qo‘lga kiritishgan edi.
