Кюрасао терма жамоаси бош мураббийи Дик Адвокат Германия терма жамоасига қарши ўйин олдидан унинг жамоаси жаҳон чемпионатига ҳеч қандай босимсиз ёндашаётгани ва кучли рақибга қаршилик кўрсата олишини айтиб ўтди.
«Кутишлар бутунлай бошқача – ҳеч ким биздан ҳеч нарса кутаётгани йўқ. Йўқотадиган нарсамиз йўқ, аксинча, кўп нарса ютишимиз мумкин. Аммо биз доим кимнидир ҳайрон қолдириш имкони бор деб ҳисоблаймиз ва айнан шуни амалга оширишга ҳаракат қилишимиз керак.
Жаҳон чемпионатида қатнашиш – бу жуда ажойиб, лекин бунинг ўзи етарли эмас. Биз, шунингдек, нималарга қодирлигимизни ҳам кўрсатишни истаймиз.
Баъзида кичик жамоа топ-клуб устидан ғалаба қозонади. Бу ерда ҳам тахминан шундай вазият: Германия билан солиштирганда биз жуда кичик мамлакатмиз», – дея маълум қилди Адвокат.
