Португалиялик ҳимоячи Жоау Канселу оилавий фожиаси ҳақида гапириб берди – у атиги ўн саккиз ёшда бўлганида, онаси автоҳалокатда ҳалок бўлган эди. У ушбу воқеа ҳаётини жуда қаттиқ ўзгартириб юборганини яшириб ўтирмади.
«Бу ҳаётимни, айниқса, биз уни қутқаришга ҳаракат қилган лаҳзаларимизни жуда қаттиқ ўзгартириб юборди. Мен унинг дод-войларини эшитардим, аммо машинани ағдариб ташлаш осон эмас эди. Ўшанда саккиз ёшда бўлган кичик укам бўлаётган воқеалардан шок ҳолатига тушиб қолганди», – дея португалиялик ҳимоячининг сўзларини келтиради derbyderbyderby.it.
Футболчининг онаси Филомена 2013 йилнинг январь ойида ҳалок бўлган эди. Ҳозирда Канселу Каталониянинг «Барселона» клуби шарафини ҳимоя қилмоқда.
