Ўзбекистон миллий терма жамоаси вингери Аббосбек Файзуллаев Португалия терма жамоаси ҳамда Криштиану Роналдуга қарши бўлажак учрашув ҳақида ўз фикрларини билдирди.
Файзуллаевнинг ишончи комилки, Роналду ҳали ҳам португаллар жонига оро кира олади, чунки у исталган сонияда вазият тақдирини бир ўзи ҳал қилишга қодир. Футболчи яшил майдонда Роналду билан юзма-юз келишни интиқлик билан кутаётганини тан олди.
«Унинг ўйинларини телевизор орқали томоша қилган пайтларимданоқ доим шу ҳақда орзу қилардим. Ўзим Мессининг ашаддий мухлиси бўлсам ҳам, Криштианунинг ўйини ҳам менга жуда ёқади», — дея Файзуллаевнинг сўзларини келтиради «Спорт-Экспресс».
Эслатиб ўтамиз, Ўзбекистон ва Португалия терма жамоалари Жаҳон чемпионати – 2026 турнирида бир гуруҳдан жой олган. Илк турда ўзбекистонлик футболчилар Колумбияга қарши майдонга тушишса, Роберто Мартинес шогирдлари Конго ДР билан куч синашади. Ўзбекистон ва Португалия ўртасидаги тўқнашув эса мундиалнинг 2-турига режалаштирилган.
