Япония терма жамоаси бош мураббийи Хадзимэ Мориясу 2026 йилги Жаҳон чемпионати финал босқичи гуруҳ босқичининг 1-туридан ўрин олган Нидерландияга қарши учрашувдаги дуранг (2:2) ҳақида фикр билдирди.
«Ғалаба қозона олмаганимиздан ҳафсалам пир бўлди, аммо ҳисобда икки марта ортда қолган вазиятимизда ҳам футболчилар таслим бўлишмади ва бир жамоа бўлиб мардонавор курашишди. Атиги бир очко қўлга киритганимиз бироз аламли бўлса-да, биз бу натижага жамоавий ҳаракатларимиз эвазига эришдик. Биз сабр билан ҳимояландик ва кейин ҳужумда янада агрессивроқ ҳаракат қилишга интилдик. Футболчилар биз режалаштирган ва тайёргарлик кўрган кўрсатмаларни тўлиқ бажаришди», — дея мураббийнинг сўзларини келтиради Халқаро футбол федерацияси (FIFA) расмий сайти.
