Яқин вақт ичида «Осасуна» клуби қанот ҳужумчиси Виктор Муньос «Ньюкасл» аъзосига айланади.

Аввалроқ, ушбу трансфер келишуви 30 миллион еврони ташкил қилиши ва бу маблағнинг ярми (50 фоизи) «Реал Мадрид» клубига тегиши ҳақида хабар берилган эди.

Таниқли журналист Хосе Феликс Диаснинг таъкидлашича, «қаймоқранглилар» раҳбарияти «Осасуна» ва «Ньюкасл» ўртасидаги трансфер жараёнига аралашишга муваффақ бўлган, чунки Мадрид клуби Муньосни келажаги жуда порлоқ футболчи деб ҳисоблайди. Манбанинг хабарига кўра, «Реал» бир йил давомида 22 ёшли вингерни «қарғалар»дан белгиланган маҳсус сумма эвазига сотиб олиш ҳуқуқини ўзида сақлаб қолган.

Ортда қолган 2025/26 йилги мавсумда Муньос барча мусобақаларда жами 36 та ўйинда майдонга тушиб, ўз ҳисобига 7 та гол ва 5 та голли узатмани ёздириб қўйган.