Португалия терма жамоаси сардори Криштиану Роналду йирик халқаро турнирлардаги голсиз сериясини узайтирди.

Жаҳон чемпионати-2026 1-туридан ўрин олган Конго ДРга қарши учрашувдан (1:1) сўнг, 41 ёшли ҳужумчининг ҳисобидаги Жаҳон ва Европа чемпионатларидаги голсиз ўйинлар сони қаторасига 10 тага етди. Бу португалиялик футболчи фаолиятидаги энг узоқ давом этган бундай ёмон сериядир. Бундан ташқари, Конго ДР билан баҳс Роналду учун йирик турнирлардаги энг кам кўзга ташланган ўйинлардан бири бўлди. Ҳужумчи бутун учрашув давомида тўпга атиги 25 марта тегинди. Бу ҳақда Opta Sports телеграм-канали хабар бермоқда.

Олдинда Роберто Мартинес шогирдларини Ўзбекистон ва Колумбия терма жамоаларига қарши баҳслар кутиб турибди.