Россия терма жамоаси собиқ бош мураббийи Фабио Капелло аргентиналик форвард Лионель Мессини Туриннинг «Ювентус» клубига қандай қилиб олиб кела олмагани ҳақида гапириб берди.
«Лео ўшанда 16 ёшда эди ва Гампер Кубогида майдонга тушганди. Месси ўша баҳсда жуда катта иштиёқ ва маҳорат намойиш этди. Ўйин пайтида Райкарднинг олдига бориб, уни бизга ижарага беришини сўрадим, бироқ у рад жавобини берди», — дея италиялик мутахассиснинг сўзларини Sky Sports нашри келтирмоқда.
Эслатиб ўтамиз, 2026 йилги Жаҳон чемпионатининг 1-турида Аргентина терма жамоаси Жазоир терма жамоаси билан тўқнаш келган эди. «Альбиселесте» ушбу учрашувда 3:0 ҳисобида ғалаба қозонди, 38 ёшли Месси эса рақиб дарвозасига учта гол уриб, хет-трик қайд этди.
