Испания терма жамоаси ҳужумкор ярим ҳимоячиси Нико Уильямс ҳозирги вақтда Шимолий Америка майдонларида бўлиб ўтаётган ЖЧ-2026 турнирида «қизил фурия»нинг мақсадлари қандай эканлиги ҳақида гапирди.
«Дебют ўйинидан сўнг бизни нима учун танқид қилишаётганини яхши тушуниб турибмиз. Ишончим комилки, навбатдаги баҳсда барча бутунлай бошқача Испания терма жамоасини кўради. Бу анча узоқ давом этадиган турнир ва биз чемпион бўлишни истаймиз. Хотиржамлик билан меҳнат қилишда давом этамиз», — дея футболчининг сўзларини «Marca» газетаси келтирмоқда.
Эслатиб ўтамиз, 1-турда Испания терма жамоаси Кабо-Верде миллий жамоаси билан тўқнаш келиб, 0:0 ҳисобида дуранг ўйнаган эди.
Мундиалдаги навбатдаги учрашувда Луис де ла Фуэнте шогирдлари Саудия Арабистони билан куч синашишади. Ушбу баҳс 21 июнь куни бўлиб ўтади.
