АҚШ терма жамоаси бош мураббийи Маурисио Почеттино Аргентина терма жамоаси ҳужумчиси Лионель Мессини қўллаб-қувватлади.
«Мен Лионелни тўлиқ қўллаб-қувватлашимни билдирмоқчиман, чунки у ҳозир оилавий қийин вазиятни бошдан кечирмоқда. Мен у ва унинг оиласини "ПСЖ"даги фаолиятим орқали яхши танийман. Унинг оиласига энг эзгу тилакларимни йўллайман.
Мен аргентиналикман ва уларнинг Жазоирга қарши ўйини менга жуда ёқди. Аммо АҚШ терма жамоаси учун боримни бераман...
Мессини таърифлаш қийин. Олтита жаҳон чемпионати! Фаолияти давомида турли клубларда эришган барча ютуқлари... У — энг яхшиси. Унинг хет-тригини кўриш ажойиб бўлди.
Аргентина — даҳшатли жамоа. Улар Қатардаги турнирда жаҳон чемпиони бўлишган, таркибдаги кўплаб ўйинчилар ўша чемпионлардир. Мураббий — ушбу жаҳон чемпионатидаги энг яхшиси, унинг штабини жуда яхши биламан, мухлислари эса шунчаки ақл бовар қилмас даражада.
Бу тортнинг устидаги олчаси эса — Месси. Бундай комбинацияга қарши ўйнаш жуда қийин», — деди Маурисио Почеттино.
