АҚШ терма жамоаси бош мураббийи Маурисио Почеттино Жаҳон чемпионати-2026 гуруҳ босқичи 2-туридан ўрин олган Австралияга қарши учрашувдаги ғалаба (2:0) ҳақида ўз фикрларини билдирди.
«Менинг фикримча, бу фантастик ўйин бўлди, айниқса биринчи бўлимни жуда яхши ўтказдик. АҚШ терма жамоаси учрашувда тўлиқ устунлик қилди деб ҳисоблайман. Мухлисларимиз учун жуда хурсандман», — дея Почеттинонинг сўзларини келтиради ФИФА расмий сайти.
АҚШ терма жамоаси 6 очко билан «D» гуруҳида пешқадамлик қилмоқда ва ЖЧ-2026 плей-офф босқичи йўлланмасини муддатидан олдин нақд қилди. Австралия эса 3 очко билан турнир жадвалида иккинчи ўринни эгаллаб турибди.
Гуруҳ босқичининг 3-турида, 26 июнь куни америкаликлар Туркияга қарши майдонга тушса, австралияликлар Парагвай билан куч синашади.
