Марокаш терма жамоаси ҳужумчиси Исмаэль Сайбари ЖЧ-2026да ҳозиргача қайд этилган энг тезкор гол муаллифига айланди.
"С" гуруҳи 2-туридан ўрин олган Шотландия — Марокаш учрашувининг 2-дақиқасида Сайбари рақиб дарвозасини ишғол қилди. Учрашув АҚШнинг Фоксборо шаҳридаги «Жиллетт» стадионида бўлиб ўтмоқда.
Ушбу гол турнирдаги энг тезкор гол сифатида қайд этилди. Бунгача ЖЧ-2026даги энг эрта гол 6-дақиқада урилган эди.
Эслатиб ўтамиз, биринчи турда Шотландия Гаитини 1:0 ҳисобида мағлуб этган бўлса, Марокаш Бразилия билан 1:1 ҳисобида дуранг ўйнаган.
Гуруҳ босқичининг сўнгги турида шотландлар Бразилияга қарши майдонга тушади, Марокаш эса Гаити билан баҳс олиб боради. Ҳар икки учрашув 25 июнь куни бўлиб ўтади.













