Тунис терма жамоаси Япониядан учралган йирик мағлубиятдан сўнг, Жаҳон чемпионати — 2026’нинг плей-офф босқичига чиқиш имкониятидан бутунлай маҳрум бўлди.
Учрашув японияликларнинг 4:0 ҳисобидаги ғалабаси билан якунланди. «Самурайлар» таркибида Аясе Уэда дубль қайд этган бўлса, Даити Камада ва Дзюня Ито биттадан гол уришга муваффақ бўлишди.
Иккита ўйиндан сўнг Тунис ҳисобида бирорта ҳам очко йўқ, тўплар нисбати эса 1-9 ни ташкил этмоқда. Эслатиб ўтамиз, африкаликлар илк турда Швеция терма жамоасига 1:5 ҳисобида имкониятни бой беришган эди.
Шу тариқа, Туниснинг Нидерландияга қарши ўтадиган сўнгги баҳси жамоа учун шунчаки расмиятчиликка айланди. Япония эса "F" гуруҳида Нидерландия билан бирга пешқадамликни бўлишиб турибди.
