Португалия терма жамоаси бош мураббийи Роберто Мартинес Криштиану Роналдунинг жамоа ўйинидаги ўрни, шунингдек, футболчининг ЖЧ-2026 доирасидаги Конго ДР (1:1) билан ўйиндан кейинги танқидларга қандай муносабат билдиргани ҳақида гапирди.

– Танқидлар жараёнида барчанинг нигоҳи Криштиану Роналдуга қаратилади. Айни пайтда сардорга қандай баҳо берасиз?

– У ўрнак бўладиган намуна. У сардор. У сардордек муносабат билдиради. Улкан тажрибага эга. Бу барчамизга асқотади. Биз терма жамоа шарафини 21 мавсумдан бери ҳимоя қилиб келаётган инсон ҳақида гапиряпмиз. Унда доимий равишда ўз устида ишлашга бўлган ақлбовар қилмас интилиш ва жамоага ёрдам бериш истаги бор. У кийиниш хонасида ҳам бошқаларга намунадир.

– Криштиану ҳимоячилар орасида ҳаракат қилганда жамоа ўйинига нималар киритасиз?

– Биз тўпга эгалик қилишни ва уни тезда қайтариб олишни хоҳлаймиз. Тўп ўзимизда бўлганда эса, рақиб жарима майдончасига қандай ёриб киришни тушунишимиз керак. Бизга эса бўш ҳудудларни яратиб берадиган ўйинчи керак. Криштиану буни қойилмақом уддалайди, статистика ҳам буни тасдиқлайди. У икона. Ҳаракатлари, бўш ҳудуд яратиши... У бизнинг стратегиямиздаги сўнгги етишмаётган элементдир, – деди Роберто Мартинес Ўзбекистон терма жамоасига қарши иккинчи тур ўйинидан олдинги матбуот анжуманида.