Сенегал терма жамоаси дарвозабони Эдуард Менди тиззасидан олган жароҳати сабабли жаҳон чемпионати — 2026 гуруҳ босқичи 3-туридан ўрин олган Ироққа қарши ўйинда майдонга тушмайди. Бу ҳақда африкаликлар жамоаси матбуот хизмати «X» ижтимоий тармоғида хабар бермоқда.

Манбанинг маълумотларига кўра, Менди жароҳатнинг хусусиятини аниқлаш ва турнирдаги кейинги иштироки масаласини ҳал қилиш учун қўшимча тиббий кўриклардан ўтади.

Эслатиб ўтамиз, Норвегияга қарши баҳсда (2:3) 34 ёшли голкипер чап тиззасидан шикастланган ва 63-дақиқада захирага олинган эди.

Сенегал терма жамоасининг навбатдаги ўйини 26 июнь куни бўлиб ўтади. Жамоа Ироқ билан куч синашади.