Канада терма жамоаси ярим ҳимоячиси Исмаэль Коне Ванкуверда Швейцарияга қарши кечаётган ўйинда ўз жамоасини қўллаб-қувватламоқда. Айни дамда жароҳат олган футболчи «Би-Си Плэйс» аренаси трибунасида ўтирибди.
Ўйин бошланишидан олдин оғир жароҳат олган футболчи канадалик мухлисларга кўриниш берди, у ногиронлар аравачасида ва қўлтиқтаёқлар ёрдамида ҳаракатланаётган эди.
Эслатиб ўтамиз, Канада — Қатар учрашувида Коне даҳшатли жароҳат — оёғининг икки жойидан синиши жароҳатини олганди. Ушбу нохуш воқеа иккинчи таймда Қатар терма жамоаси ҳимоячиси Конега қарши қўполлик ишлатганидан сўнг содир бўлган эди.
