Бугун, 25 июнь куни футбол бўйича 2026 йилги Жаҳон чемпионати "E" гуруҳидан ўрин олган Кюрасао ва Кот-д'Ивуар терма жамоалари ўртасидаги учрашув бўлиб ўтади. Жамоалар Филадельфиядаги (Пенсильвания, АҚШ) "Линкольн Файненшел Филд" стадионида майдонга тушишади. Учрашувни швециялик Гленн Нюберг бошчилигидаги ҳакамлар бригадаси бошқариб боради. Ўйиннинг бошланиш вақти — Тошкент вақти билан тунги соат 01:00 да.

Жамоаларнинг бошланғич таркиблари:

Кюрасао: Ром, Бренет, Гаари, Обиспо, Флоранус, Фонвилл, Ж. Бакуна, Чонг, Комененсия, Л. Бакуна, Локадия.

Кот-д'Ивуар: Фофана, Дуэ, Коссуну, Дьоманде, Опери, Кессье, Сангаре, Пепе, Диалло, Бонни, Дьоманд.

Кюрасао терма жамоаси "E" гуруҳи турнир жадвалида тўртинчи ўринни эгаллаб турибди. Жамоа ўтказилган иккита ўйинда бир очко жамғарган. Кот-д'Ивуар эса уч очко билан иккинчи поғонадан жой олган.

Эслатиб ўтамиз, гуруҳ босқичи 11 июндан 27 июнга қадар ўтказилади: жамоалар ўзаро бир даврада учтадан учрашув ўтказишади. Ҳар бир гуруҳдан энг яхши иккита терма жамоа, шунингдек, учинчи ўринни эгаллаган энг яхши 8 та жамоа плей-офф босқичига йўл олади.