Bugun, 25 iyun kuni futbol bo‘yicha 2026 yilgi Jahon chempionati "E" guruhidan o‘rin olgan Kyurasao va Kot-d'Ivuar terma jamoalari o‘rtasidagi uchrashuv bo‘lib o‘tadi. Jamoalar Filadelfiyadagi (Pensilvaniya, AQSH) "Linkoln Faynenshel Fild" stadionida maydonga tushishadi. Uchrashuvni shvesiyalik Glenn Nyuberg boshchiligidagi hakamlar brigadasi boshqarib boradi. O‘yinning boshlanish vaqti — Toshkent vaqti bilan tungi soat 01:00 da.

Jamoalarning boshlang‘ich tarkiblari:

Kyurasao: Rom, Brenet, Gaari, Obispo, Floranus, Fonvill, J. Bakuna, Chong, Komenensiya, L. Bakuna, Lokadiya.

Kot-d'Ivuar: Fofana, Due, Kossunu, Dyomande, Operi, KessYE, Sangare, Pepe, Diallo, Bonni, Dyomand.

Kyurasao terma jamoasi "E" guruhi turnir jadvalida to‘rtinchi o‘rinni egallab turibdi. Jamoa o‘tkazilgan ikkita o‘yinda bir ochko jamg‘argan. Kot-d'Ivuar esa uch ochko bilan ikkinchi pog‘onadan joy olgan.

Eslatib o‘tamiz, guruh bosqichi 11 iyundan 27 iyunga qadar o‘tkaziladi: jamoalar o‘zaro bir davrada uchtadan uchrashuv o‘tkazishadi. Har bir guruhdan eng yaxshi ikkita terma jamoa, shuningdek, uchinchi o‘rinni egallagan eng yaxshi 8 ta jamoa pley-off bosqichiga yo‘l oladi.