Колумбия терма жамоаси бош мураббийи Нестор Лоренсо Португалия терма жамоаси ҳужумчиси Криштиану Роналду ҳақидаги фикрлари билан ўртоқлашди.
Колумбияликлар ЖЧ-2026 гуруҳ босқичининг сўнгги тури доирасида португалияликларга қарши майдонга тушишади. Учрашув 28 июнь куни бўлиб ўтади.
"Роналду — ажойиб ўйинчи, дунёдаги энг яхши тўпурарлардан бири. Бизнинг вазифамиз — дарвозамиз олдидаги хавфли ҳудудларда у назоратсиз қолиб кетмаслиги учун ҳамма нарсани қилиш. Бироқ, фикримча, Португалия барча жабҳаларда кучли, шунинг учун гап фақат Роналдуни тўхтатиб қолишда эмас. Португалияликларнинг ҳар бир позициясида маҳоратли ўйинчилар бор", — дея баҳс олдидан Лоренсо ўз фикрларини билдирди.
Колумбия икки турдан сўнг 6 очко билан гуруҳда пешқадамлик қилмоқда, Португалия эса 4 очко билан иккинчи ўринда бормоқда.
