Норвегия терма жамоаси бош мураббийи Столе Сольбаккен ЖЧ-2026 3-туридан ўрин олган Францияга қарши ўйинда (1:4) асосий таркибнинг айрим футболчиларини майдонга туширмаслик борасидаги қарорига изоҳ берди. Норвегияликлар 2-турдан кейин плей-офф йўлланмасини нақд қилиб қўйган эдилар.
«Ҳаммаси жуда оддий. Сенегал билан ўйиндан кейин биз таҳлил ўтказдик ва беш-олти нафар футболчи 80-дақиқадан сўнг жуда қаттиқ чаршаб қолганини кўрдик. Бу бутун ҳимоя чизиғи ва айрим ярим ҳимоячиларга тегишли эди. Шунингдек, Сенегал билан ўйиндан кейин Норвегияда бугунги учрашув олдидан тикланиш учун камроқ вақт бўлганини билардик.
Биз муносиб ўйин ўтказишимиз мумкин эди, аммо бизнинг мақсадимиз — ғалаба қозониш. Жамоанинг ҳозирги ҳолатини ҳисобга олган ҳолда ғалаба қозониш имкониятларимиз қанчалик юқори эканлигини ва кейинги ўйинга қанчалик тайёр бўлишимизни баҳолаш керак эди. Шунинг учун мен учун бу мутлақо аниқ қарор эди. Физиотерапевтлар, тиббий штаб ва ҳатто айрим футболчилар ҳам шу фикрда эдилар. Улар ўйинда иштирок этиш осон бўлмаслигини айтишди», — деди Сольбаккен.
