Аргентина миллий терма жамоаси устози Лионель Скалони Жаҳон чемпионати — 2026 гуруҳ босқичи учинчи туридан ўрин олган Иорданияга қарши баҳсда ҳужумчи Лионель Мессининг захирадан майдонга тушиши борасида ўз фикрини билдирди.
«Лионель билан танафсусдан сўнг захирадан майдонга тушгани маъқулроқ деган қарорга келдик. Бу унинг жамоага бўлган муносабатини кўрсатиб турибди», — дея бош мураббийнинг сўзларини терма жамоа матбуот хизмати келтирмоқда.
Аргентина ва Иордания терма жамоалари ўртасидаги учрашув 3:1 ҳисобидаги ғалаба билан якунланди. Ўтказилган баҳсда 39 ёшли Месси жарима зарбасини голга айлантиришга муваффақ бўлди.
Нуфузли турнирнинг кейинги босқичида Скалони шогирдлари Кабо-Верде жамоаси билан тўқнаш келишади.
