Жаҳон чемпионати — 2026 гуруҳ босқичи учинчи тури доирасида Аргентина терма жамоаси Иордания термаси билан тўқнаш келди. Жанубий Америка вакиллари 3:1 ҳисобида ғалаба қозонишди.
39 ёшли ҳужумчи Лионель Месси иккинчи бўлимда захирадан майдонга тушди ва рақиб дарвозасини ишғол қилишга муваффақ бўлди. Ушбу гол тажрибали форвард учун миллий терма жамоа сафидаги 123-гол бўлди. У терма жамоа либосида 202 та ўйин ўтказди.
Миллий терма жамоалар даражасидаги энг яхши тўпурар португалиялик Криштиану Роналду ҳисобланади. 41 ёшли бомбардир 230 та учрашувда майдонга тушиб, 145 та гол урган.
Жаҳон чемпионатининг 1/16 финалида Аргентина терма жамоаси Кабо-Вердега қарши ўйнаса, Португалияга Хорватия терма жамоаси рақиблик қилади.
