Бразилия терма жамоаси сардори Маркиньос Жаҳон чемпионати 1/16 финалидан ўрин олган Японияга қарши бўлажак учрашувдан кутилаётган фикрлари билан ўртоқлашди ва жамоанинг ўйинга бўлган кайфияти ҳақида гапирди.
«Шубҳасиз, Японияга қарши баҳс биз учун энг ўзига хос ўйин бўлади. Бу жуда қийин учрашув бўлади, аммо биз тайёрмиз. Машғулотлар ўтказдик, рақибни таҳлил қилдик ва ўйин учун режа тайёрладик.
Япония терма жамоасини тўғри зарарсизлантира олишимиз керак – бу ушбу босқичга лойиқ тарзда етиб келган жуда кучли жамоа. Шунингдек, кўп нарса ўз ўйинимизга боғлиқ эканини ҳам тушуниб турибмиз.
Сўнгги ўйинларда ўсишга эришдик. Балки, турнирни унчалик яхши бошламагандирмиз, лекин иккинчи ўйинда яхшироқ, учинчисида эса ундан ҳам кучлироқ ўйнадик. Энди бор тажрибамиздан фойдаланиш муҳим.
Ҳозир бутунлай бошқа турнир бошланяпти. Гуруҳ босқичи — бу алоҳида масала, у ерда асосийси плей-оффга чиқиш эди. Чиқиб кетиш (плей-офф) ўйинлари эса янги мусобақадир. Қадамма-қадам ҳаракат қилиш лозим.
Аввалги Жаҳон чемпионатидаги шахсий тажрибамиздан келиб чиқиб, ҳар бир вазиятда максимал даражада диққатни жамлаш ва ўйиннинг ҳар бир деталига эътибор бериш қанчалик муҳимлигини биламиз. Биз айнан шундай йўл тутамиз», – деди Маркиньос.
1/8 финалда Япония — Бразилия жуфтлиги ғолиби Норвегия ёки Кот-д’Ивуар терма жамоасига қарши майдонга тушади.
