ФИФА президенти Жанни Инфантино Жаҳон чемпионати-2026 нинг дастлабки 16 кунида 24 та ўйинга ташриф буюриш учун шахсий самолётда 27 марта парвоз қилди. BBC нашрининг маълумотларига кўра, ташкилот раҳбари ҳавода 66 соатдан кўпроқ вақт ўтказган, унинг жети босиб ўтган масофа эса 50 122 километрни ташкил этган. Нашрнинг хабар беришича, Инфантино баъзан бир суткада учтагача рейс амалга оширган. Ванкувердан Майамигача бўлган 4 507 километрлик парвоз энг узоқ масофали рейс бўлди.
Иқлимшуносларнинг ҳисоб-китобларига кўра, Инфантинонинг икки ҳафталик парвозлари давомида чиқарилган карбонат ангидрид гази миқдори ўртача 78 кишининг бир йиллик иқлимга кўрсатадиган таъсирига тенг. Шу сабабли функционер ижтимоий тармоқларда танқидлар остида қолди ва иккиюзламачиликда айбланди, чунки у аввалроқ шундай баёнот берган эди:
«Иқлим, инсон ҳуқуқлари, касалликлар ёки ногиронлик ҳақида гапирамизми, бундан қатъи назар, биз ўз ҳиссамизни қўшишга қатъий қарор қилганмиз».
Жанни Инфантино 2016 йилнинг 26 февралидан буён ФИФАни бошқариб келмоқда.
