Жаҳон чемпионати — 2026 мусобақасининг 1/16 финали доирасида Аргентина терма жамоаси Кабо-Верде миллий термасига қарши баҳс олиб боради. «Альбиселесте» устози Лионель Скалони учрашувнинг бошланиш вақтидан норози эканлигини яшириб ўтирмади.
«Биз жуда кучли иссиқда тўп суришимизга тўғри келади. Ўйиннинг старт вақти бундай танлангани бўйича менда саволлар бор. Бироқ шароит ҳар иккала терма жамоа учун ҳам бир хил бўлади», — дея мутахассиснинг сўзларини TyC Sports нашри келтиради.
Аргентина ва Кабо-Верде терма жамоалари ўртасидаги учрашув 4 июль куни бўлиб ўтади. Ўйин Тошкент вақти билан тунги соат 03:00 да бошланади.
