Ҳимоячи Алехандро Гримальдо фаолиятини Мадриднинг «Атлетико» клубида давом эттиради. Испания клуби ўз саҳифаларида футболчининг Леверкузеннинг «Байер» клубидан трансфер қилинганини расман эълон қилди. 30 ёшли ўйинчининг «Атлетико» билан шартномаси 2030 йилнинг 30 июнига қадар мўлжалланган.
Гримальдо 2023 йилнинг ёзидан буён «Байер»да тўп суриб келаётган эди. У Германия жамоаси таркибида 145 та ўйин ўтказиб, 30 та гол урди ва 45 та голли узатмани амалга оширди. Леверкузенликлар таркибида испаниялик футболчи Бундеслига, Германия Кубоги ва Суперкубогида ғолиб чиқди.
Айни пайтда Гримальдо 2026 йилги жаҳон чемпионатида ўз иштирокини давом эттираётган Испания терма жамоаси ихтиёрида бўлиб турибди.
